Les mots surlignés font l'objet d'une note
1Monsieur, j’heus ci bien quelques jours avant
2mon partement dicy de recepvoir de voz lettres
3par lesquelles jay peu entendre que désiriez
4scavoyr les nouvelles de ses belles dame d’Angleterre.
5Jay différé vous de faire responce jusques à present
6que nous sommes de retour pour vous dyre que
7se sont les plus grandes putains de la terre
8et sy il mestoyt permis de parler librement,
9quil ny a pas une femme de bien en Angletterre.
12Je masseure, quant il seroyt bien disputé
13que je trouverroys beaucoup de tesmoingts de
14ceulx qui ont faict le voiage et mesmes
15la plus part qui sen sentent encores. Je crois
16fussiez peu garder de faire comme monsieur le
18visconte de Cadenet. Je ne passeray poinct plus
19oultre, réservé vous dyre que jay veu ung beau
20païs et de seigneurs fort cortez, qui nous ont
21usez de toutes les honnestetez qui se peuvent
22dire. La royne a donné à monsieur le mareschal
23ung buffet qui est estimé trante ou quarante
24mille francs. Il a amené aussy afforce belles
25hacquenées que tous ses millors luy ont donné.
26Au reste, le roy de Navarre vyent darriver bien
27[v°] accompaigné, ensemble le prince de Condé ; tous les
28princes et seigneurs de ceste court leur sont
29estez au devant. Chasquun se prépare pour
30paroiste à leurs nopces, qui se doibvent faire le
31XXe de ce mois, celles du prince de Condé quelques
32jours devant. Jespère, à laide de Dieu, me tenyr
33de prez pour me prandre garde qui sescrimera
34mieulx à danser et vous en advertyr par le
35premier bien au long, qui me gardera vous
36importuner de plus long discours, suppliant
37le Créateur
38Monsieur, vous donner très heureuse et longue
39vye. De Paris, ce IXe juillet 1572.
40Votre plus humble et affectioné
41serviteur.
42Bressieu
43Je croys que vous avez pu entendre par cy devant
44que La Molle avoyt esté deschassé de la court ;
45depuis quelques jours, il a esté remis mieulx que
46jamais ; et Le Ga a bien peine à se garder pour
47quelque picque qu’a heu monsieur de Mereu contre
48luy.